પ્રેમ તત્વ
આરંભથી અમર થયેલ તત્વ,
એ જ પ્રેમ છે.
ધોધમાર વરસતો વસંતમાં,
સૌંદર્યની ધારા પ્રેમ! છે.
અંત નથી એવા ઈશ્વરનો ,
અંશ પ્રેમ છે.
સંબંધોની માયાજાળમાં,
બંધાયેલ પ્રેમ છે.
પતંગિયા અને ફૂલનો,
નાતો અજોડ પ્રેમ છે.
બે દિલોની મુસાફરીનો ,
એક રસ્તો પ્રેમ છે.
કૃષ્ણ અને રાધાનો રાસનો ,
રંગત તાલ પ્રેમ છે.
મીરાના ઝેરના કટોરા માં,
અમૃતની મીઠાશ પ્રેમ છે.
વનવાસી એ ખાધેલા બોરમાં,
શબરીની શ્રદ્ધા પ્રેમ છે.
પંખીના માળાનો આશ્રો વૃક્ષો,
મૌનની એ હુંફ પ્રેમ છે.
✍રાજેશ બારૈયા "વનવાસી"
No comments:
Post a Comment