કવિતા :ફાગણ મહોરીયો

ફાગણ મહોરીયો

કુંપળ ફૂટે  છે  વૃક્ષને  પાનખર બાદ ,
વૃક્ષ ફૂલથી મહોરી ઊઠે કુંપળ બાદ
ફૂલની  મહેંકથી ખીલે  વન વનરાય,
કુંજની કોયલ ટહુકતી અહીં ..
ખાખરાના કાળા મુખમાંથી કોઈ ,
કેસરી સાફો પહેરી તૈયાર થાય કોઈ.
અહીં ફાગણને  રંગની  રમતાંણ  આવી ,
ત્યારે ધૂળેટી રંગ લઈને અહીં  આવી .
કોઈ કાજુ -બદામ -ખારક  ખાય ,
કોઈ  ખજૂર -ડાળીયા-મમરા ખાય .
પ્રકૃતિના પ્રાંગણમાં ખેલાય આ ખેલ,
અહીં વનમાં "વનવાસી"તણો મેળો .
ફાગણ વૃક્ષ પંખી અને વનસ્પતિમાં,
સમન્વય જોવા જાણવા માણવામાં.

-રાજેશ બારૈયા "વનવાસી"